Løgtingið skal góðkenna ES-samstarv um gransking og nýskapan

Løgtingið skal nú góðkenna sáttmála millum millum Uttanríkis- og Mentamálaráðið og nevndina hjá ES fyri  gransking og nýskapan.

Uppskot til samtyktar kom í tingið í gjár.

Sáttmálin gevur Føroyum møguleika at gerast partur av øllum samstarvsætlanum hjá ES, sum loyva atlimaskapi fyri lond uttanfyri ES. 

Í sama viðfangi eru Føroyar og ES samd um, at føroyska tilknýtið til granskingar- og menningarsamstarvið hjá ES heldur fram.

Samráðast um nýggjan sáttmála

Føroyar fingu í 2010 atlimaskap í granskingarskránni hjá ES. Hon var galdandi til 2013.

Føroyar fingu síðani atlimaskap í Horizon 2020, sum vardi til nýggjárs.

Samráðingar hava so verið við ES um nýggjan sáttmála, sum er galdandi í sjey ár.