Frakland vísir russiskari fráboðan um skáa í skjótingini aftur

Frakland vísir russisku fráboðanin um, at franski forsetin, Macron, átti lut í avgerðini um at skipa fyri einum skáa í álopunum á ukrainskar býir, so sivil kundu sleppa úr býunum og til Russlands at fáa friðskjól. 

Hetta skrivar altjóða miðlar. 

Russiski skáin í álopunum, sum skuldi verið byrjaður klokkan sjey føroyska tíð, skuldi hava verið eitt ynski frá franska forsetan, tá hann tosaði við Vladimir Putin í telefon í gjárkvøldið. 

Tað boðaði russiska verjumálaráðið frá. 

Men tann útleggingin verður nú víst aftur av einum talsfólki á forsetaskrivstovuni í Fraklandi. 

"Forsetin hevur ikki biðið um skáar í álopunum, so fólk fáa ein møguleika at sleppa úr ukranisku býunum og til Russlands," sigur talsmaðurin. 

"Hetta er enn einaferð Putin, ið snarar veruleikan soleiðis, at tað ljóðar sum tað eru ukrainar, ið eru teir áleypandi, og russar, ið bjóða friðskjól."

L'Élysée dément avoir demandé des couloirs humanitaires vers la Russie, contrairement à ce qu'affirme Moscou pic.twitter.com/gM8ulzAypN

— BFMTV (@BFMTV) March 7, 2022