Meistarin góða byrjan í teprum sigri

Føroyameistararnir úr KÍ fingu eina góða byrjan í fyrsta umfari av Betri-deildini við kvinnum.

KÍ tók ímóti B36 í gjárkvøldið, og heimaliðið vann tepurt 1-0. Malena Olsen skeyt málið beint fyri steðgin.

Silvurvinnarin í fjør, NSÍ, vitjaði HB í Gundadali, og har fór heimaliðið eitt sindur óvæntað avstað við øllum stigunum. 

Rebekka Katrine Klein Olsen og Astrid Mittfoss skutu málini. 

EBS/Skála vann á 07 Vestur í Vágum. Lea Lisberg, sum bert hevði Heidi Sevdal frammanfyri seg á toppskjúttaralistanum í fjør, skeyt eitt mál og Sólja Ernstdóttir fekk hitt.

Málið hjá heimaliðnum skoraði Lisa Haraldsen. 

Nýggja liðið í deildini, TB/FCS/Royn fekk eina harða byrjan, tá tær spældu sín fyrsta dyst. Víkingur fór av Eiðinum við einum 16-0 sigri. 

Millum annað kan nevnast, at Hanna Isaksen Højgaard skoraði fimm ferðir.