Løgtingið skal nú geva loyvi til avmarkandi tiltøk móti Russlandi

bannari
19.04.2022 - 08:02
AktueltPolitikkur
Løgtingið skal nú geva loyvi til avmarkandi tiltøk móti Russlandi
Eitt uppskot til løgtingslóg um avmarkandi tiltøk í sambandi við atgerðir móti Ukraina er á skánni til løgtingsfundin í morgin
Løgtingið skal nú viðgera eitt uppskot um at geva landsstýrismanninum heimild til at leggja hald á - ella frysta - ognir hjá russum í Føroyum. Bæði fastogn og leysafæ. 
Mynd: Bjarni Árting Rubeksen  
 

Sjey mál eru á skránni til tingfundin, sum byrjar í morgin klokkan 13.

Eitt av málunum er uppskot til løgtingslóg um avmarkandi tiltøk í sambandi við atgerðir móti Ukraina. 

Lógaruppskotið fevnir fyrst og fremst um innflutning, útflutning, vøruflutning, tænastuveitingar og tøkniligar veitingar.

Uppskotið skal eisini geva landsstýrismanninum á økinum heimild til at leggja hald á - ella frysta - ognir hjá russum í Føroyum. Bæði fastogn og leysafæ. 

Endamálið við lógaruppskotinum er at fáa heimild at seta í verk revsitiltøk, sum eru lík teimum, ið ES og onnur lond hava sett í verk, móti Russlandi, Hvítarusslandi og ikki-stjórnarstýrdu ukrainsku økjunum Donetsk og Luhansk. Hetta við tí endamáli at leggja trýst á Russland og Hvítarussland um at steðga krígnum. 

Er kopiera
Nýggjastu sendingar í ÚV
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573