- Tíðindi, mentan og ítróttur
Føroyar taptu 26-15 fyri Danmark
Føroyar taptu 26-15 fyri Danmark
Føroyska hondbóltslandsliðið hjá kvinnum tapti 26-15 fyri Danmark í dag.
![](https://kvf.fo/sites/default/files/styles/grein-ovasta-mynd/public/jana_mittun_mynd_ehf.jpg?itok=NKswlcXn)
Jana Mittún sæst her í dysti móti Rumenia.
Mynd: Mynd: EHF
23.04.2022 - 17:14
Føroysku kvinnurnar góvu Danmark nógva mótstøðu ein stóran part av dystinum. Í hálvleikinum var støðan 12-9 til Danmark, og tá tað restaðu 20 minuttir av dystinum vóru fýra mál á muni.
Seinastu løtuna skræðnaði tað. Føroyska liðið fekk fleiri góðar málmøguleikar, men alt ov ofta misnýttu spælarnir møguleikan.
Avrikið var tó munandi betri enn seinasta dyst millum somu liðini í oktober í fjør. Tá vann Danmark 39-19, tá hevði Danmark eina greiða leiðslu allan dystin.
Annar av málverjunum á føroyska liðnum, Annika Fríðheim Petersen, var kosin dagsins leikari hjá Føroyum.
Hettar var seinasti dysturin hjá Føroyum í hesari EM-undankappingini. Føroyar fingu einki stig.
Nýggjastu sendingar í ÚV
Nýggjastu sendingar í SV