11 mánaða fongsul fyri kynsligan harðskap

Føroya rættur hevur dømt ein mann 11 mánaða fongsulsrevsing fyri í tveimum førum at hava tiltuskað sær samlegu og fyri ólógligan tvingsil móti tveimum kvinnum. 

Kvinnurnar vóru yngri enn 20 ár, tá ið maður framdi kynsliga harðskapin.

Talan er um eldri mál, sum ikki vóru meldað beinanvegin, sigur Sára Ann Bjarnadóttir Winther, ákæri.

Maðurin er fyrst í 30-unum. Hann noktaði seg sekan og hevur skotið dómin inn fyri landsrættin.