- Tíðindi, mentan og ítróttur
John Frederiksen liðugur í SKU Amstetten
John Frederiksen liðugur í SKU Amstetten
"Eg havi aðrar og størri ambitiónir. Og tað matchaði ikki akkurát við har, ið eg var," sigur landsliðsáleyparin John Frederiksen, sum nú leitar eftir nýggjum felag
Landsliðsáleyparin John Frederiksen leitar eftir nýggjum felag
Mynd: Bjarni Árting Rubeksen
25.05.2022 - 06:03
Einasti føroyski fótbóltsspælarin í eysturríkskum fótbólti, áleyparin John Frederiksen, er í holt við at finna sær eitt nýtt felag.
Tað kunnger høgi áleyparin á Facebook.
John Frederiksen, sum í fýra umførum hevur umboðað føroyska A-landsliðið, hevur síðani 2021 spælt við eysturríkska liðnum SKU Amstetten í næstbestu deildini.
Hetta seinasta kappingarárið hevur John Frederiksen spælt 14 dystir fyri felagið og skotið fýra mál.
Størri ambitiónir
Í stuttari viðmerking váttar 26 ára gamli John Frederiksen, at hann er í holt við at finna sær eitt nýtt felag.
Men hvagar leiðin nú gongur, fær hann ikki sagt nakað um.
"Eg havi aðrar og størri ambitiónir. Og tað matchaði ikki akkurát við har, ið eg var," sigur hann.
Heldur ikki er greitt, um John Frederiksen heldur fram í eysturríkskum fótbólti.
John Frederiksen fekk sína fótbóltsuppaling í NB Bornholm í Nexø, har hann er uppvaksin. Men eitt skifti spældi hann í Føroyum við 07 Vestur og HB, áðrenn leiðin gekk til finska felagið MuSa og síðani eysturríkska SKU Amstetten.
Ein serlig yrkisleið
Í sambandi við hansara fyrstu úttøku til A-landsliðið, greiddi John Frederiksen frá síni heldur øðrvísi fótbóltsyrkisleið.
Og um ta sannroynd, at hann í februar 2021 fekk staðfest svull á heilanum.
210823_NET_JOHN_FREDERIKSEN
Er kopiera
Nýggjastu sendingar í ÚV
Nýggjastu sendingar í SV
