Tekur ofta langa tíð at fráboða kynslig brotsverk

30.05.2022 - 09:12
Aktuelt112
Tekur ofta langa tíð at fráboða kynslig brotsverk
59 fráboðanir um kynslig brotsverk eru skrásettar seinastu fimm árini. Bara 11 teirra eru fráboðaðar innan fyri fimm tímar eftir, at kynsliga brotsverkið skal vera framt.
Verri enn so allar fráboðanir um kynslig brotsverk koma alt fyri eitt til løgregluna
Mynd: Shutterstock.com  
 

Verri enn so allar fráboðanir um kynslig brotsverk koma alt fyri eitt.

Tað vísir eitt yvirlit, sum løgreglan hevur gjørt.

Yvirlitið umfatar tíðina frá 1.januar 2018 til 25.mars í ár.

59 fráboðanir eru skrásettar. Bara 11 teirra eru fráboðaðar innan fyri fimm tímar eftir, at kynsliga brotsverkið skal vera framt.

Níggju vóru fráboðað meira enn ár eftir at brotið skal vera framt.

 

Eingin ákæra í 19 málum

Í teimum 59 málunum eru 17 fólk dømd, fýra eru fríkend og í 19 málum var eingin ákæra.

Í málunum, sum vóru fráboðað meira enn ár seinni, var ein dómur og ein frídøming.

Hóast 59 mál eru fráboðað, kunnu gerningsfólkini og tey, sum siga seg at hava verið fyri kynsligum brotsverki, vera fleiri enn 59, tí skrásettu málini eru 59, og hvørt mál kann umfata fleiri enn eitt fólk. 

Harðasti dómur fyri kynsligt brotsverk frá 2018 til 25.mars á ár er tvey ár og tríggir mánaðir í fongsli.

 

Revsingin verður herd 1. juni

Mikudagin, 1.juni, kemur orðingin um samtykki í gildi í neyðtøkuásetingini í revsilógini í Føroyum.

Lógarbroytingin ger eisini, at revsingin fyri neyðtøku verður herd.

Nýggja ásetingin staðfestir, at samlega við fólk, sum ikki gevur sítt samtykki til tað, er neyðtøka. 


 

Er kopiera
Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753