Russisk skip fáa nakrar dagar aftrat í Føroyum

Russisk skip fáa nakrar dagar aftrat í Føroyum
Havnarstongsulin byrjar 5.juli, ikki 24.juni sum upprunaliga ætlað
Russisk skip í føroyskari havn.
 
26.06.2022 - 09:48

Russisk skip kunnu koma í føroyska havn í nakrar dagar aftrat.

Í kunngerðini, sum kom í gildi fríggjadagin, stendur, at tað er bannað eftir 5.juli at loyva skipum, sum eru skrásett undir russiskum flaggi, at koma í havn í Føroyum. 

Í uppskotinum um kunngerð um revsitiltøk móti Russlandi stóð, at tað er bannað eftir 24.juni at veita atgongd til havnir í Føroyum fyri skip, skrásett undir russiskum flaggi.

Bannið er ikki galdandi fyri fiskiskip.

Útflagging

Fyri at sleppa undan skipum, sum flagga út, er forboðið eisini galdandi fyri skip, sum hevur skift russiskt flagg 
ella skráseting til annað flagg ella skráseting eftir 24.februar í ár.

24.februar gjørdi Russland innrás í Ukraina.

Ásetingin um forboð er tó ikki galdandi fyri skip, sum hava brúk fyri hjálp og leita í neyðhavn, ella av neyð noyðast at leggja inn í føroyska havn fyri at halda trygdina á sjónum, ella fyri at bjarga lívi á sjónum. 

Landsstýrismaðurin í uttanríkismálum kann geva undantaksloyvi til skip, sum føra til dømis brennievni, heilivág ella matvørur.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585