Føroyar vunnu á Norra

Føroyska mansunglingalandsliðið í hondbólti vann í dag á Norra í fyrsta dystinum í miðumfarinum í EM-endaspælinum í Portugal. Úrslitið var 33-31 til Føroyar. Í hálvleikinum stóð á jøvnum 15-15.

Elias á Skipagøtu Ellefsen var við aftur á føroyska liðnum í dag, og tað gjørdi góðan mun. Elias skaraði framúr og var føroyskur toppskjútti við 12 tólv málum, honum næstur var Hákun West av Teigum við 5 málum.

Føroyar eru eftir innleiðandi umfar komnar í B-bólkin, har spælt verður um eitt pláss til HM-endaspælið næsta ár.

Føroyar spæla móti Póllandi í morgin, dysturin byrjar á middegi og verður vístur í sjónvarpinum hjá Kringvarpinum.