Koppingarevni fyri apukoppar tøkt

- Koppingarevni fyri apukoppar er tøkt, um vit fáa tørv á tí.

Tað sigur Hjalti Gunnarstein, landsapotekari, við útvarpið, nú ES-nevndin hevur góðkent, at Bavarian Nordics-koppingarevnið fyri koppar eisini kann brúkast til at koppseta fyri apukoppar.

Apoteksverkið hevur avtalað við danska Serumstovnin, at koppingarevnið verður sent til Føroya, um tørvur verður á tí.

- Brúk verður fyri koppingarevninum, um apukoppar verða staðfestir í Føroyum, leggur Hjalti Gunnarstein aftrat.