Óvist hví eldur kom í vinnubygning við Ljósá

Um hálvgum seks tíðina í gjárkvøldið var boðað frá eldi í vinnubygninginum hjá KJ Sandblásing við Ljósá.

Sløkkilið, løgregla og sjúkrabilur komu á staðið. 

Eingin fólkaskaði var.

Vandamikil roykur

Skjótt gjørdist greitt, at eldur var í fleiri kemiskum evnum og roykurin var vandamikil, sigur vakthavandi á politistøðini.

Neyðugt var at flyta trý-fýra húski burtur, tí roykurin var vandamikil.

Eisini var landsvegurin við Ljósá stongdur. Koyrandi var um Eiðisgarð. 

Eldur í vinnubygningi við Ljósá

Eitt fólk var í bygninginum

Um hálvgum-ellivu tíðina var minni roykur og tamarhald á støðuni og landsvegurin læt upp aftur.

Økið við bygningin er framvegis avbyrgt, og kanningararbeiðið byrjar í morgun, sigur vakthavandi.

Eitt fólk var í bygninginum, tá ið eldurin kyknaði, men tað slapp út í øllum góðum.

Løgreglan veit ikki, hví eldurin kyknaði. Helvtin av bygninginum er brunnin í grund.