Donsk verjuskip megna ikki at verja føroyskan sjógv

Russland er ein hóttan móti trygdini í danska kongaríkinum, og sum er, megna donsku verjuskipini ikki at verja føroyskt og grønlendskt sjóøki. 

Tað er ein av niðurstøðunum í Zilmer-frágreiðingini, sum var løgd fram mánadagin. 

Trygdarfrágreiðingin skal vera grundarlag undir næstu donsku verjusemjuni.

Jenis av Rana, Miðflokkurin

Og frágreiðingin ger greitt, at tað verður bæði dýrt og tíðarkrevjandi at dagføra donsku verjuna. Ikki minst fyri at fáa eftirlitið í Norðuratlantshavi og Arktis upp á eitt nøktandi stig.

Jenis av Rana, landsstýrismaður í uttanríkismálum, sigur, at Føroyar skulu hava ein virknan leiklut, tá verjusamráðingarnar verða aftur.

Hoyr innslag í útvarpstíðindunum:

Ein longri samrøða við landsstýrismannin var í Breddanum í morgun.

Breddin kann hoyrast her.