BankNordik væntar verri úrslit enn mett

BankNordik væntar verri úrslit í ár enn mett.

Fyrr í ár varð mett, at úrslitið fór at liggja millum 160 og 190 milliónir krónur, men í fráboðan á verður sagt, at væntaða úrslitið í ár verður millum 140 og 170 milliónir.

Orsøkin til broytingina er, at bankin metir, at óvissan á fíggjarmarknaðinum kann fáa ávirkan á úrslitið.

Eisini verður sagt, at roknskapurin fyri triðja ársfjórðing í ár verður almannakunngjørdur 3. november.