Noreg handtikið útlending, sum er undir illgruna fyri njósning

Norska løgreglan handtók í gjár ein ríkisborgara úr Brasil, tá hann var á veg til arbeiðis á Lærda háskúlanum í Tromsø. 

NRK skrivar, at norska trygdarløgreglan, PST, hevur illgruna um, at maðurin í Noregi brúkar falskt navn og hevur falskan samleika. 

Illgruni er um, at hann er russari, og at hann byggir sær upp samleika sum vanligur borgari, meðan hann í tí dulda arbeiðir fyri russiska fregnartænastu.

Hann granskaði hybrid-krígsførslu. 

Maðurin er í grundlógaravhoyring í rættinum í Tromsø í dag við kravi um, at hann verður fongslaður, skrivar NRK.