Noreg og Russland samd um fiskiveiðiavtalu fyri 2023

Noreg og Russlandi eru samd um eina nýggja fiskiveiðiavtalu fyri 2023. 

Tað boðar norska stjórnin frá. 

Norski fiskimálaráðharrin, Bjørnar Skjæran, fegnast um nýggju avtaluna.

- Tað er gott, at vit hava gjørt fiskiveiðiavtalu við Russland, hóast vit liva í truplum tíðum, sigur fiskimálaráðharrin. 

Burðardygg umsiting

- Semjan tryggjar burðardygga umsiting av tilfeinginum í norðurøkinum og tryggjar stovnin frameftir. Tað merkir, at vit ansa eftir heimsins størsta toskastovni og øðrum fiskasløgum í Barentshavinum.

Avtalan merkir millum annað, at toskakvotan minkar 20 prosent. Tað samsvarar við tilmælið hjá ICES. 

Í sambandi við samráðingarnar hava russar boðað frá, at um norðmenn seta fleiri tiltøk í verk móti Russlandi, kann avtalan fyribils setast úr gildi.

Orsakað av krígnum í Ukraina hava samráðingarnar millum Russland og Noreg hesa ferð verið talgildar.