Maður undir illgruna fyri russiska njósning tók prógv í Kanada

Lærdi háskúlin í Calgary í Kanada váttar, at brasilski maðurin, sum er handtikin í Noregi, undir illgruna fyri at njósnast fyri Russland, fekk master-prógv á skúlanum.

Kanadiska kringvarpið, CBS, hevur fingið váttað frá skúlanum, at José Assis Giammaria tók í 2018 master í umsiting og strategiskum vísindum.

Undan tí tók hann bachelor í stjórnmálafrøði, við áherðslu á altjóða samskifti í Kanada.

Arbeiðir í Tromsø

Giammaria var handtikin mánadagin, tá ið hann var á veg til arbeiðis á lærda háskúlanum í Tromsø, har hann søkti og fekk starv sum granskari í arktiskari trygd.

Leiðarin fyri norsku trygdarløgregluna, PST, sigur, at Gimmaria er undir illgruna fyri at arbeiða á lærda háskúlanum undir følskum samleika. 

Høvuðsuppgávan hjá honum í Noregi er at savna upplýsingar til russisku fregnartænastuna, sigur PST.