Marius DC og Kóboykex jaligt ummæli frá heimskenda Rolling Stone

"Marius DC og Kóboykex eru prógv uppá, at føroyskur tónleikur spakuliga byrjar at gera vart við seg á altjóða tónleikapallinum."

Soleiðis skrivar journalisturin Nick Reilly frá bretsku deildini hjá heimskenda tónleikatíðarritið Rolling Stone í sínari grein um Iceland Airwaves-tónleikafestivalinum í Reykjavík, sum var um vikuskiftið. 

Marius DC, Iceland Airwaves

Fimm føroysk nøvn vóru millum tey út við 100 tónleikanøvnini, sum vóru á skránni til Iceland Airwaves, og Marius DC og Kóboykex eru millum tey einans seks nøvini, sum Nick Reilly nevnir í ummælinum.

Hini nøvnini, sum verða nevnd, eru høvuðsnøvnini Arlo Parks, Metronomy, Amyl & The Sniffers og so íslendsku Reykjavíkurdætur. 

Sjáldsom sjangrusamanrenning

Kóboykex, sum eru Sigmund Zachariassen og Heiðrikur á Heygum, spælir elektroniskanrokk við íblástri frá western-tónleiki. 

Tað er sjáldsom sjangrusamanrenning, ið hugtekur Rolling Stone-journalistin. Serliga nýggja singlan hjá Kóboykex, "Night Out", er sterk, heldur Nick Reilly. 

"Day two kicks off with that rarest of things – Western inspired electro-rock from the Faroe Islands. That’s the elevator pitch from Koboykex, who turn out to be an unexpected delight over at Reykjavik’s IÐNÓ Culture House. Recent single ‘Night Out‘ is irresistible, as subtle electro-pop rhythms fight against Morricone-esque whistling and instrumentation."

Kóboykex, Iceland Airwaves

Marius vil ikki lata seg avmarka

Hin blaðunga føroyski rapparin og hipphopparin, Marius DC, hugtekur eisini Nick Reilly, tí Marius DC er so uppsettur upp á at prógva, at hansara tónleikur ikki er avmarkaður av, at hann kemur úr einum lítlum landi sum Føroyum. 

Tónleikurin hjá Marius DC ber brá av West Coast-rappi, heldur Rolling Stone-ummælarin.

"The final day of Iceland Airwaves 2022 begins at the festival’s main centre, where Faroese rap – that most common of exports – is gunning for the big time. It comes in the form of Marius DC, an energetic eighteen-year-old who is hellbent on proving that his sound transcends the confines of his home island. His impressive stage presence sees him jumping into the crowd to whip up an early evening crowd, while songs such as ‘Gasoline‘ lean into classic West Coast rap."

Marius DC, Iceland Airwaves

Niðurstøðan hjá Nick Reilley frá Rolling Stone UK er, at føroyskur tónleikur byrjar spakuliga at gera vart við seg á altjóða tónleikapallnium.

"Along with the aforementioned Kowboykex, it’s (framførslan hjá Marius DC) proof that the Faroese music scene is slowly introducing itself to the world."

Kóboykex, Iceland Airwaves, Sigmundur Zachariassen

Rolling Stone

LES GREININA Í ROLLING STONE UK HER