- Tíðindi, mentan og ítróttur
Nýggi formaðurin: Nú ræður um at líta frameftir
Nýggi formaðurin: Nú ræður um at líta frameftir
Beinir Johannesen, sum er valdur til formann í Fólkaflokkinum, byrjaði sína politisku yrkisleið, tá hann stillaði upp til fólkatingsvalið í 2019
Beinir Johannesen er nýggjur formaður í Fólkaflokkinum.
Mynd: Bjarni Árting Rubeksen
11.11.2022 - 09:41
Fólkaflokkurin hevur fingið nýggjan formann. Tað er 25 ára gamli løgtingsmaðurin, Beinir Johannesen.
Hann byrjaði í føroyskum politikki í 2019, tá ið hann fyrst stillaði upp til fólkatingsvalið og fekk 667 atkvøður.
Hann var fyrstvaldur hjá løgtingsvalinum sama ár við 998 persónligum atkvøðum. Seinastu tíðina hevur Beinir Johannesen verið formaður í tingbólkinum hjá Fólkaflokkinum.
Á fólkatingsvalinum herfyri fekk Beinir Johannesen 605 atkvøður.
Nýggi formaðurin í Fólkaflokkinum sigur, at eftir floksleiðslufundin í gjár er semja um at leggja ósemjurnar afturum og líta frameftir.
Sí samrøðu, sum Hallur av Rana gjørdi við Beinir Johannesen í gjárkvøldið:
BEINIR_FOLKAFLOKKUR
Er kopiera
Nýggjastu sendingar í ÚV
Nýggjastu sendingar í SV
