Ferðsluvanlukka kravt mannalív

Ein álvarslig ferðsluvanlukka á landsvegnum millum Hvalvík og Áir í morgun kravdi eitt mannalív. Tað sigur vaktleiðarin á Politistøðini, sum ikki fær sagt meira um málið enn.

Umleið klokkan 9.45 fekk politiið boð um, at tveir bilar høvdu stoytt saman millum Hvalvík og Áir. Sløkkilið og politi vóru á staðnum, og eitt fólk læt lív.

– Talan var um tveir bilar, sum vóru í óhappinum, sigur vakthavandi á Politistøðini.