Ungarn forðar ES at veita Ukraina fíggjarliga hjálp

Ósemjan millum Ungarn og hini ES-londini í sambandi við fíggjarligan stuðul heldur fram.

Stjórnin í Ungarn tekur ikki undir við, at ES skal lata Ukraina 18 milliardir evrur, ið svarar til 134 milliardir krónur, sum hjálp í krígnum móti Russlandi.

Fyri at ES skal lata hjálp av hesum slag, er neyðugt at øll 26 ES-londini, eisini Ungarn, taka undir við hjálpini.

Finna annan hátt

Hetta merkir, at ES-londini nú skulu royna at finna annan hátt stuðla Ukraina fíggjarliga, har tað ikki er neyðugt at hava Ungarn við, skrivar Ritzau.

Orsøkin til, at tað er so torført at fáa Ungarn við, tá peningur skal latast Ukraina, er tann, at landið sjálvt skal fáa fáa stóran stuðul úr ES.

Men ES-nevndin sigur, at eingin peningur verður latin, fyrr enn Ungarn fremur fleiri ábøtur á eitt nú fólkaræðiliga økinum.

Fyri at gera tað enn fløktari, læt Ungarn av sínum eintingum 187 milliónir evrur í stuðuli til Ukraina - altso uttan um ES.