Gistingarhús á Óðinshædd

Jóan Petur Vang, byggimeistari á Oyrarbakka, hevur fingið byggiloyvi til gistingarhús á einum grundstykki, hann eigur á Óðinshædd.

Tað skrivar in.fo.

Størsta verkætlan hansara er annars íbúðarverkætlanin á Fløtum í Havn, sum fevnir um 111 íbúðir í fýra lonum.

Men av tí at grundstykki hansara á Óðinshædd liggur í einum vinnuøki, skal byggisamtyktin fyri økið broytast, um talan skuldi verið um íbúðarbygging í staðin.

Jóan Petur Vang sigur við in.fo, at hann enn ikki hevur tikið avgerð um, um gistingarhúsið verður bygt, nú alt er dýrkað so nógv í seinastuni, men at ta avgerðina tekur hann fyrst í komandi ári.