Fimm kommunur lækka skattaprosent

Skattaprosentið í Vestmanna er 21,25 eisini næsta ár, hóast tað er 21,50, sambært tølum hjá TAKS.

Fimm kommunur hava lægri skattaprosent næsta ár enn í ár. Hinar 24 kommunurnar hava sama skattaprosent næsta ár sum í ár.

Barnafrádráttur

Sjey kommunur hava størri barnafrádrátt næsta ár enn í ár. Størsti vøksturin er í Skálavík. Har er barnafrádrátturin í ár 6.000 kr. Hann er 9.000 kr. í næsta ár.

Hægsti barnafrádráttur er 10.000 kr. Hann er í Fugloy. Tann minsti er 5.000 kr. Hann er í Vestmanna.

Hægsta skattaprosent næsta ár er 21,75. Tað er í Vága kommunu. Fugloy, Skúgvoy og Fámjin hava skattaprosentið 16,00. Miðal kommunuskattaprosentið er 20,12 næsta ár. Tað er 20,06 í ár, siga tøl hjá TAKS.