- Tíðindi, mentan og ítróttur
Donsk realkredittlán eru vorðin væl umtókt í Føroyum
Donsk realkredittlán eru vorðin væl umtókt í Føroyum
Tey komu í 2006. Og tað árið skyldaðu føroysk húsarhald 150 mió. kr. í donskum realkredittstovnum. Nú eru lánini farin upp um fýra milliardir
Mynd: Landsbankin.
01.01.2023 - 15:50
Føroyingar hava veruliga tikið til sín møguleikan at taka donsk realkredittlán.
Tey komu í 2006. Og tað árið skyldaðu føroysk húsarhald 150 mió. kr. í donskum realkredittstovnum.
Í oktober í fjør var skuldin har fýra milliardir.
Tað sigur Landsbankin í frágreiðing sínari um fíggjarliga støðufestið í triðja ársfjórðingi 2022.
Stórur vøkstur
Í 2006 høvdu føroyingar 169 realkredittlán.
Í 2021 er talið 2.680.
Stór lán, lán millum tvær og tríggjar milliónir krónur, eru ikki so nógv, 463 í 2021.
86 lán vóru størri enn tríggjar milliónir krónur.
Tey vóru bara fimm í 2011.
Bústaðir í Føroyum eru vorðnir nógv dýrari seinastu árini, sigur Landsbankin.
Nýggjastu sendingar í ÚV
Nýggjastu sendingar í SV