Marianna hjálpir óynsktum børnum í Afrika

Júst nú spæla nógv børn í Sambia ymisk bóltspøl við bóltum frá Fótbóltssambandinum. Og hesi børnini eru í grønum Kyndils-troyggjum og hvítum og svørtum B36-klæðum.

Mynd úr Sambia

Tað er Marianna Holm Jacobsen úr Hoyvík, sum hevur havt hesi klæðini og bóltarnar úr Føroyum og allan vegin til Sambia, sum er eitt ríki í Eysturafrika.

Hetta er triðja ferðin, at Marianna er á einum barnaheimi í Sambia. Hesa ferð skal hon arbeiða á barnaheiminum allan januar.

Gentur í Sambia

Nógvar av lagnunum á barnaheiminum eru syrgiligar.

- Her eru børn, sum so ella so eru óynskt av foreldrunum og familjuni annars. Tað hugsi eg sjálvandi um, men eg royni bara at vera um tey, hjálpa og spæla við tey, sigur Marianna Holm Jacobsen.

Í morgunsendingini fortelur hon um gerandisdagin í Sambia og umstøðurnar á barnaheiminum.