Ukraina stendur seg væl í dronuálopum, men allar súðir eru ikki syftar

Serkønur í russiskum viðurskiftum ávarar ímóti at halda, at viðgongdin hjá Ukraina merkir, at landið stendur Russlandi kurl í vápnamegi

Tór Marni Weihe, ph.d-lesandi í trygdar- og verjupolitikki og serfrøðingur í russiskum viðurskiftum.

Ingolf Sólheim Olsen

19.06.2026 - 09:52

Nú hoyra vit oftari um ógvuslig og oyðileggjandi ukrainsk álop á mál langt inni í Russlandi.

- Tað kundi bent á, at Ukraina er við yvirlutan í løtuni, men tað vita vit ikki, fyrr enn Russland hevur svarað aftur, sigur Tór Marni Weihe, ph.d-lesandi í trygdar- og verjupolitikki og serfrøðingur í russiskum viðurskiftum.

Ukraina og dronuálop á Moskva

Ukraina hevur í vikuni framt tvey dronuálop á oljureinsiverk uttan fyri Moskva. (Mynd: Reuters/Ritzau Scanpix)

Fyrr í krígnum bankaði Ukraina til fánýtis upp á nógvar vesturlendskar dyr at fáa meira vápn at standa ímóti Russlandi í krígnum. Tað hevur tó skundað so nógv undir ukrainsku menningina av vápnum, serlig dronum, at støðan nú er tann øvugta.

Tór Marni Weihe ávarar tó ímóti at halda, at viðgongdin hjá Ukraina í løtuni merkir, at tey standa Russlandi kurl í vápnamegi - altso uttan at vit telja russisku kjarnorkuvápnini uppí.

Hoyr innslag í útvarpstíðindunum:

19062026_Tor_Marni