U21-landsliðið í spennandi HM-bólk

17.01.2023 - 16:08
ÍtrótturHondbóltur
U21-landsliðið í spennandi HM-bólk
Føroyska U21-hondbóltslandsliðið skal til Magdeburg at spæla ímóti Spania, Japan og Angola í HM-endaspælinum í summar
Pauli Mittún og hinir á føroyska U21-landsliðnum fingu spennandi HM-lutakast
 

Spania, Japan og Angola verða mótstøðuliðini hjá føroyska U21-landsliðnum í hondbólti til HM-endaspælið í summar.

Bólkurin hjá Føroyum skal avgreiðast í týska býnum Magdeburg. Tað er greitt eftir lutakastið, sum var fyri lítlari løtu síðan.

 - Vit hava sæð hasa Michael Jordan-seriuna, The Last Dance, og vit siga, at hetta er The Last Dance hjá U21-landsliðnum, so vit gleða okkum øgiliga nógv og ætla at enda við einum braki, segði Elias Ellefsen á Skipagøtu fyri nøkrum døgum síðan, og vónirnar hjá spælarunum eru ikki versnaðar eftir lutakastið. 

 - Vit vita ikki so nógv um Angola, men Japan eru vanliga lítlir og fintusterkir, og slíkum liðum hava vit havt trupulleikar av fyrr. Tað sigur seg sjálvt, at Spania er favorittur, men eg tori væl at siga, at vit eru klárir favorittar at taka 2. plássið, sigur vongurin Hákun West av Teigum um lutakastið.

Tvey tey ovastu liðini úr hvørjum bólki koma víðari til ovara millumumfarið, meðan tvey tey niðaru skulu í niðara bólkin. Eftir tað eru dystir eftir cup-skipan. Kappingin er frá 20. juni til 2. juli.



 

Er kopiera
Nýggjastu sendingar í ÚV
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181