Nógv nýggj met í Reykjavík

Átta nýggj innandura-met hava føroysku íðkararnir, sum eru við í kappingini, Stórmót IR 2023, sett um vikuskiftið.

Talan er um innandurakapping í Reykjavík.

Leygardagin settu føroysku íðkararnir ikki færri enn fimm met. Í longdarlopi leyp Eiri J. Glerfoss 7,29 metrar og Elisabeth Holm Simonsen 5,40 metrar. Jónas Isaksen rann 60 metrar upp á 7,07 sekund, meðan Elisabeth Holm Simonsen rann sama tein við tíðini 8,07 sekund. Á 400 metra teininum setti Jónas Isaksen nýtt met við tíðini 49,49 sekund.

Í dag eru trý nýggj føroysk met sett. Á 200 metra teininum rann Jónas Isaksen 22,31 sekund. Arina Ludvig leyp 10,60 metrar í trístøkki og Teresa Fríðriksdóttir Bláhamar leyp 1,60 metrar í hæddarlopi.

Umframt føroysku metini settu íðkararnir eisini fleiri persónlig met og bólkamet.