Professari: Russland eigur at leggja seg út í ríkisfelagsskapin

Professari: Russland eigur at leggja seg út í ríkisfelagsskapin
Eingin forðing hevði verið at stuðlað sjálvstýrisrørsluni fíggjarliga og diplomatiskt, sigur Henry Sardarjan
Henry Sardajan gevur ilt av sær á sosiala miðlinum Telegram, eftir at danska stjórnin hevur kunngjørt, at hon fer at lata Ukraina 19 vognar við framkomnari stríðskipan. (Mynd: Telegram)
 
25.01.2023 - 16:14

Ein russiskur ST-sendimaður dregur nú sambandið millum Føroyar og Danmark upp í kjakið um, um tað er rætt av vesturheiminum at stuðla Ukraina.

Tað skrivar danska TV2 á síni heimasíðu.

Talan er um Henry Sardarjan, sum eisini er professari á lærdum háskúla í Moskva, sum hoyrir til russiska uttanríkisráðið.

Sardarjan gevur ilt av sær á sosiala miðlinum Telegram, eftir at danska stjórnin hevur kunngjørt, at hon fer at lata Ukraina 19 vognar við framkomnari stríðskipan.

Hann mælir tí til, at Russland leggur seg út í viðurskiftini í ríkisfelagsskapinum

 

Eyðsýndir trupulleikar

 - Danmark hevur eisini eyðsýndar trupulleikar við Føroyum, har sjálvstýrisrørslan virkar. Eingin forðing hevði verið í at stuðlað henni fíggjarliga og diplomatiskt, sigur Henry Sardarjan.

Umframt teimum 17.000, sum fylgja russiska professaranum, hevur áheitanin rokkið 1,3 milliónir fylgjararnar hjá russiska sjónvarpsvertinum, Vladimir Solovjov, sum hevur deilt uppslagið.

Russiski professarin og ST-sendimaðurin er javnan gestur hjá hesum sjónvarpsvertinum, har teir kjakast um kríggið.

Fyri í mánaðinum heitti Henry Sardarjan í sjónvarpinum á stýrið í Kreml um júst at leggja seg út í innanríkispolitikkin í øðrum londum.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585