Sjálvhjálparbólkur í Suðuroynni

Hetta er triðju ferð, at Sinnisbati bjóðar sjálvhjálparbólk út til ung við ótta og angist, og bæði undirtøka og afturmeldingar hava verið góðar, sigur felagið.

Í sjálvhjálparbólkinum fæst møguleiki at hitta onnur ung, sum eru í líknandi støðu, og har ber til at deila tankar, kenslur og royndir við onnur.

Bólkurin byrjar 6. mars, ella tá fullteknað er, og pláss er fyri tíggju í bólkinum, sum kemur saman í hølum í Vági seinnapartar mánadag.

Bæði tey, sum eru við í bólkinum, og bólkaleiðari, eru áløgd tagnarskyldu eftir galdandi reglum.