Estland: Kallas heldur væntandi fram sum forsætisráðharri

Nýskipanarflokkurin hjá sitandi forsætisráðharranum, Kaju Kallas, vann tjóðartingsvalið í Estlandi í gjár.

Flokkurin fekk 31,2 prosent av atkvøðunum og 37 av teimum 101 tingsessunum í estlendska tjóðartinginum.

Val í Estlandi

(Mynd: Ritzau Scanpix)

Tað var ein lítil framgongd, men hinir báðir stjórnarflokkarnir høvdu afturgongd. Kortini varðveitir gamla samgongan ein breiðan meiriluta.

Við 45 ára gomlu Kallas á odda hevur Estland roynt at nærkast Vesturevropa meir, og tað fer væntandi ikki at broytast, um verandi samgonga heldur fram, skrivar NTB.