Hvítarussiskur andstøðuleiðari dømd 15 ára fongsul

Hvítarussiski andstøðuleiðarin, Svetlana Tikhanovskaja, er dømd 15 ára fongslulsrevsing, hóast hon ikki var hjá. 

Tað skrivar russiska tíðindastovan Ria, sambært Ritzau.

Svetlana Tikhanovskaja er í løtuni í útlegd. 

Hon tók við sum andstøðuleiðari eftir mann sín Sergej Tikhanovskaja, sum undan valinum í Hvítarusslandi í 2020 var dømdur 18 ára fongsul.

Eftir valið í 2020 vóru stórar mótmælisgongur, tí hildið var, at Aleksandr Lukasjenko, forseti, hevði framt valsvik.

Í farnu viku var hvítarussiski mannarættindastríðsmaðurin og nobelvirðislønarvinnarin, Ales Bjaljatski, dømdur 10 ára fongsulsrevsing.