Privati arbeiðsmarknaðurin fer at hava tørv á 750 starvsfólkum

Næstu árini fer privati arbeiðsmarknaðurin at mangla 750 starvsfólk.

Tað vísir nýggj kanning hjá Føroya arbeiðsgevarafelag. 

- Loysa vit ikki trupulleikan, verður avleiðingin minni búskaparvøkstur, sigur Niels Winther, stjóri í Vinnuhúsinum.

Landsbankin hevur frammanundan víst á, at almenni arbeiðsmarknaðurin hevur tørv á 1500 starvsfólkum aftrat til 2030.

Niels Winther, Vinnuhúsið

Niels Winther er stjóri í Vinnuhúsinum. (Savnsmynd: Bjarni Árting Rubeksen)

Sostatt verður tørvur á 2250 starvsfólkum næstu árini.

Hoyr innslag í útvarpstíðindunum: 

Í kanningini vóru umleið 100 fyritøkur spurdar, og tær umfata 57 prosent av privata arbeiðsmarknaðinum.

Stjórin í Vinnhúsinum minnir tó á, at slíkar kanningar altíð eru óvissar, og skulu takast við fyrivarni.