Leigunevndin fekk átalu fyri ikki at avgreiða mál skjótast gjørligt

Leigunevndin hevur fingið átalu frá Løgtingsins umboðsmanni.

Ein setiumboðsmaður viðgjørdi eina klagu um, at Leigunevndin ikki avgreiddi eitt mál um uppsøgn úr einum bústaðarleigumáli skjótast gjørligt. 

Málsviðgerðartíðin var átta mánaðir. 

Leigulógini áleggur Leigunevndini skjótast gjørligt at taka avgerðir.

Eisini mælti setiumboðsmaðurin Leigunevndini til antin at gera mannagongdir um málsviðgerðina, ella at fáa Umhvørvismálaráðið at fáa hesi viðurskifti ásett í virkis- og fundarskipanina hjá Leigunevndini.

Ein setiumboðsmaður viðger mál, tá umboðsmaðurin er ógegnigur.