Torført fáa politiska semju um gongd í haga

Tað verður torført at fáa semju í hesum málinum, á sama hátt sum tað verður torført at fáa semju um tøkugjøldini.

Tað segði Erhard Joensen, formaður í vinnunevndini, í Breddanum fyrrapartin. 

Umboð fyri samgongu og andstøðu í vinnunevndini skiftu orð um uppskotið hjá Høgna Hoydal, landsstýrismanni, um burðardygga ferðavinnu. 

Erhard Joensen, sum umboðar Sambandsflokkin í nevndini, fegnast kortini um, at eitt uppskot í málinum um gongd í haga nú kemur fyri tingið.

gongd í haga, ferðafólk (mynd: Bjarni)

(Savnsmynd: Bjarni Árting Rubeksen)

Neyðugt útspæl

Uni Holm Johannesen úr Javnaðarflokkinum heldur, at uppskotið er gott og neyðugt útspæl, men nógvir partar eru í málinum, og tí noyðast allir at slaka. Hann sigur, at í uppskotinum lagt verður uppfyri at taka lokal atlit.

Jørgen Niclasen í Fólkaflokkinum sigur, at uppskotið er brot á grundlógina og ognarrættin, og uppskotið fer eisini at knúsa gomlu mentanina, sum hann tók til. 

Annika Olsen í Tjóðveldi segði seg fegnast um, at tað hevur eydnast samgonguni at leggja eitt uppskot fram. Uppskotið tekur atlit at føroyingum at ferðast frítt í egnum landi og tekur atlit at náttúruni og landbúnaðinum. 

Sí videobrot úr Breddanum her:

Hoyr allan Breddan her.