Armenia, Norðurmakedónia og Lettland ímóti Føroyum

Bestu føroysku fótbóltsmenninir skulu spæla ímóti Armenia, Norðurmakedónia og Lettlandi í Nations League, sum byrjar í september.

Tað er greitt eftir lutakstið seinnapartin, sum fyrrverandi grikski landsliðsspælarin og EM-vinnarin, Giorgos Karagounis, tók sær av.

Hetta er fyrsta ferðin at Føroyar spæla ímóti Armenia, sum kom úr ovasta styrkisbólkinum.

Hvørki marru- ella dreymabólkur hjá Viljormi

Varaliðskiparin á føroyska landsliðnum, Viljormur Davidsen, vildi helst sleppa undan Rumenia, Slovakia og Hvítarusslandi, og tað ynskið fekk hann eftirlíkað.

Hinvegin ynskti hann sær Svøríki, Kýpros og Litava ella Gibraltar, men einki av teimum endaði í føroyska bólkinum. 

Dystirnir í UEFA Nations League verða spældir í tíðarskeiðunum 5. til 10. september, 10. til 15. oktober, og 14. til 19. november í ár.

Deild C

Bólkur 1
Svøríki
Aserbadjan
Slovakia
Estland

Bólkur 2
Rumenia
Kosovo
Kýpros
Litava / Gibraltar

Bólkur 3
Luksemborg
Bulgaria
Norðurírland
Hvítarussland

Bólkur 4
Armenia
FØROYAR
Norðurmakedónia
Lettland