Føroyar leggja fyri ímóti Norðurmakedónia

Føroyar byrja Nations League-kappingina í heimavølli ímóti Norðurmakedónia, sum vitjar á Tórsvølli 7. september.

Tríggjar dagar seinni spæla føroysku menninir á útivølli ímóti Lettlandi.

Í oktober eru tveir heimadystir á skránni. 10. oktober spæla føroysku menninir ímóti Armenia, áðrenn Lettland vitjar tríggjar dagar seinni.

Tveir teir seinastu dystirnir eru á útivølli í november. Fyrst spæla Føroyar ímóti Armenia, og 17. november endar kappingin á útivølli ímóti Norðurmakedónia.

Dystarskráin

7. september klokkan 14:00: Føroyar - Norðurmakedónia
10. september klokkan 19:45: Lettland - Føroyar
10. oktober klokkan 19:45: Føroyar - Armenia
13. oktober klokkan 19:45: Føroyar - Lettland
14. november klokkan 17:00: Armenia - Føroyar
17. november klokkan 14:00: Norðurmakedónia - Føroyar

Håkan Ericson: Javnur bólkur

Føroyski landsliðsvenjarin, Håkan Ericson, er hvørki væl ella illa nøgdur við lutakastið til Nations League-kappingina, sum var í Paris í gjár. Hann heldur, at bólkurin við Armenia, Norðurmakedonia og Lettlandi sær sera javnur út.

Føroyar hava ongantíð spælt ímóti Armenia fyrr. Í fjør spældi føroyingarnir venjingardyst ímóti Norðurmakedónia, sum teir taptu 1-0. Føroyar hava ikki tapt ímóti Lettlandi í fimm dystum higartil.