Portugisar á val

Í dag fara portugisar á val, og nógv bendir á, at uttasti høgraflokkurin, Chega, fer at gera eitt gott val.

Veljarakanningar vísa, at hesin høgraflokkurin fer úr 9 prosentum upp í 19 prosent.

Tað er annars Sosialistaflokkurin við Antonio Costa, sum hevur sitið við valdið í Portugál seinastu átta árini.

Blaðið The Economist skrivaði herfyri, at undir Antonio Costa sum forsætisráðharra hevur Portugál verið ein evropeisk sólskinssøga og ein klettur í evropeiskum politikki.

Men seinasta heyst tók Antonio Costa seg aftur sum forsætisráðharri orsakað av eini mutursgølu, og á valinum í Portugál í dag sær út til, at tað verður flokkurin ytst á høgravonginum, ið fer at vinna.