Jóhanna Fossdalsá Sørensen skrivaði enn einaferð føroyska fótbóltssøgu

Jóhanna Fossdalsá Sørensen úr Hoyvík, sum spælir við svenska felagnum BK Häcken, spældi í gjárkvøldið alla Champions League-fjórðingsfinaluna á tamba móti franska stórfelagnum Paris Saint-Germain, PSG.

Harvið skrivaði Jóhanna Fossdalsá Sørensen enn einaferð føroyska fótbóltssøgu, tí luttøkan í fjórðingsfinaluni er størsti dysturin, sum nakar føroyskur fótbótsspælari hevur spælt.

Jóhanna skrivaði eisini føroyska fótbóltssøgu, tá felag hennara, BK Häcken, upprunaliga spældi seg víðari til Champions League-endaspælið. 

2-1 tap

Tíverri taptu Jóhanna Fossdalsá Sørensen og BK Häcken fyrru Champions League-fjórðingsfinaluna móti PSG á heimavølli 2-1.

PSG legði seg á odda, tá 23 minuttir vóru leiktir. Men BK Häcken svaraði aftur beint fyri hálvleikssteðgin. Kafaji skeyt bóltin í málið, tá hann støkk út aftur, eftir at PSG-málverjin hevði bjargað einum brotssparki frá júst Kafaji. 

Jóhanna Fossdalsá Sørensen vísti í fleiri umførum sínar dygdir á sentrala miðvøllinum, bæði við góðum sendingum, men eisini einum dundurskoti, ið fór beint framvið miðskeiðis í fyrra hálvleiki. 

Seinna fjórðingsfinala millum BK Häcken og PSG verður í Paris verður 28. mars.

BK Häcken FF - Paris Saint-Germain 1-2 (1-1)

0-1 Gaetino 23'
1-1 Kafaji 42'
1-2 Chawinga 74'

Stórtalentið

Ítróttarredaktiónin hjá Kringvarpi Føroya gjørdi eitt portrett av dugnaligu føroyskum fótbóltsgentuni, ið eisini spælir á sterka danska kvinnulandsliðnum í fótbólti.

johanna_fossdalsa_sorensen_square.png

Portrettið kann síggjast her: >>Stórtalentið: Jóhanna Fossdalsá Sørensen