Skaðin ikki álvarsligur: Elias verður við ímóti Norðurmakedónia

Skaðin ikki álvarsligur: Elias verður við ímóti Norðurmakedónia
Knæskaðin, sum Elias Ellefsen á Skipagøtu fekk herfyri, er ikki álvarsligur, og føroyski spælskiparin væntar at vera við í playoff-dystunum ímóti Norðurmakedónia í mai
Elias er við: Føroyski spælskiparin váttar, at knæskaðin ikki er álvarsligur
Mynd: Kollektif  
 
24.04.2024 - 11:36

Knæskaðin, sum Elias Ellefsen á Skipagøtu fekk ímóti Füchse Berlin síðsta vikuskifti, er ikki álvarsligur, og tað er nærum púra vist, at føroyski spælskiparin verður við í playoff-dystunum ímóti Norðurmakedónia í mai.

 - Tað eri eg glaður fyri. Hetta kom sjálvandi eitt sindur óvart á, tí tað er nú til avgerandi dystirnar, at tú vilt vera heilt klárur, sigur Elias Ellefsen á Skipagøtu.

Tað var miðskeiðis í seinna hálvleiki í dystinum í Berlin, at Elias Ellefsen á Skipagøtu varð takklaður av Max Darj og mátti av vølli og kom ikki inn aftur.

- Vit samdust um, at dystirnir ímóti Montpellier høvdu størri týdning, og tí tóku vit ikki kjansin, sigur Elias Ellefsen á Skipagøtu.

 

Kann venja aftur um nakrar dagar

Dagin eftir varð knæið skannað, og Elias Ellefsen á Skipagøtu váttar, at hann skjótt kann spæla aftur. Føroyingurin er við í Kiel-ferðalagnum, sum fleyg til Fraklands í gjár til Champions League-fjórðingsfinaluna ímóti Montpellier, sum er í kvøld klokkan 19:45.

Sambært Eliasi Ellefsen á Skipagøtu er kortini ivasamt, um hann kemur á vøllin longu í kvøld, men endalig avgerð er ikki tikin um tað enn. Í øllum førum ganga ikki nógvir dagar, áðrenn hann kannn venja aftur.

Tað merkir, at spælskiparin helst røkkur returdystinum ímóti Montpellier 2. mai og ikki minst playoff-dystunum hjá Føroyum til HM, sum verða 8. og 12. mai. 

 

Er kopiera
Nýggjastu sendingar í ÚV
Nýggjastu sendingar í SV
Mánadag 22. juli
Hin rusuti á Aconcagua (4:10)
177776
Fríggjadag 19. juli
Veðrið
178247
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771