Ætla at hava fólkaatkvøðu um kommunusamanlegging í juni

Fólkaatkvøða um kommunusamanlegging í norðaru helvt av Suðuroynni verður eftir ætlan í næsta mánaði.

Í næstu viku fara bygdaráðið í Hvalba og býráðið á Tvøroyri at taka støðu til orðingina, sum borgarar skulu atkvøða um. 

Tað er arbeiðsbólkurin, sum læt úr hondum álitið um fyrimunir og vansar við kommunusamanlegging, sum leggur uppskot um orðing fyri kommunustýrini. 

Hvalba

Í Hvalbiar kommunu búgva 635 fólk.

Fámjin sigur nei

Ætlanin er at skipa fyri fólkaatkvøðu í báðum kommunum, og miðað verður eftir, at hon verður hildin um miðjan juni. 

Sambært Hagstovuni búgva 635 fólk í Hvalbiar kommunu, og 1741 fólk búgva í Tvøroyrar kommunu. 

Fyrr í mánaðinum segði meirilutin av bygdaráðnum í Fámjin nei til at skipa fyri fólkaatkvøðu í kommununi um samanlegging.

Í Fámjins kommunu búgva sambært Hagstovuni 77 fólk.