Sló Mette Frederiksen: Minnist einki

Sló Mette Frederiksen: Minnist einki
Ein 39 ára gamal póllendingar, sum í gjár sló danska forsætisráðharran Mette Frederiksen á armin, er fyribils varðhaldsfongslaður í 12 dagar
Mette Frederiksen er skakað av hendingini í gjár, har ein maður sló hana á armin
Mynd: Ritzau Scanpix  
 
08.06.2024 - 15:36

39 ára gamli maðurin, sum í gjár varð tikin fyri at hava sligið danska forsætisráðharran Mette Frederiksen, er fyribils varðhaldsfongslaður í 12 dagar.

Danskir miðlar skriva, at maðurin, sum er úr Póllandi, men sum hevur verið í Danmark síðan 2019, noktar seg sekan. Hann var eftir øllum at døma ávirkaður av bæði rúsevnum og rúsdrekka, tá hann skumpaði Mette Frederiksen og sló hana á høgra yvirarm. Hetta var á Kultorvet í Keypmannahavn klokkan 10 minuttir í 5 føroyska tíð í gjár.

Maðurin varð grundlógaravhoyrdur í morgun. Har segði hann, at hann einki mintist til hendingina. Hann segði, at hann einki hevur ímóti Mette Frederiksen og í roynd og veru helt hana vera ein góður forsætisráðharri.

Dómarin metti tað vera talan um harðskap móti einum persóni í almennari tænastu, og at tað eisini telur sum skerpandi umstøður, at talan er um ein politikara, sum hevur úttalað seg lógliga í almenna kjakinum.

Mette Frederiksen varð flutt á Ríkissjúkrahúsið til kanningar aftan á álopið í gjár. Hon segði seg hava pínu í høvdinum og nakkanum og hevur fingið koyrilsbrest í nakkan. Hon hevur tað annars gott, men er skelkað av hendingini, skrivar DR. Hon hevur eisini avlýst at fara til fleiri tiltøk, sum hon annars skuldi vitja í dag.

Er kopiera
Nýggjastu sendingar í ÚV
Hósdag 18. juli
Morgunlestur hósdagur 18. juli 2024
177836
Mikudag 17. juli
Morgunlestur mikudagur 17. juli 2024
177835
Týsdag 16. juli
Morgunlestur týsdagur 16. juli 2024
177834
Mánadag 15. juli
Biltúrurin 5: Koyrt verður í Havn
176612
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015