Barcelona steðgaði CL-dreyminum hjá Eliasi

Barcelona steðgaði CL-dreyminum hjá Eliasi
Elias Ellefsen á Skipagøtu og THW Kiel taptu so dyggiliga fyri Barcelona í Champions League-hálvfinaluni, og tí skal føroyingurin spæla um triðja plássið í dag
Elias Ellefsen á Skipagøtu ímóti Aalborg fyrr í hesum kappingarárinum. Aalborg spælir CL-finalu ímóti Barcelona seinnapartin
Mynd: Ritzau / Scanpix  
 
09.06.2024 - 09:51

Bercelona steðgaði Champions League-finaludreyminum hjá Eliasi Ellefsen á Skipagøtu, tá spanska felagið smurdi THW Kiel av í hálvfinaluni leygardagin.

Norðurtýskararnir taptu heili 30-18 ímóti favorittunum og mugu tí taka til takkar við dysti um triðja plássið ímóti Magdeburg í dag.

Elias Ellefsen á Skipagøtu fekk fitt av spælitíð - hann byrjaði inni á miðjuni - men føroyski landsliðsspælararin rakti ikki toppstigið. Hoyvíkingurin skeyt eitt mál tíðliga í dystinum, men hinar tríggjar royndirnar fóru ikki í mál. 

Sum heild hevði Kiel ilt við at skora ímóti danska landsliðsmálverjanum Emil Nielsen, sum næstan bjargaði helmingin av royndunum hjá Kiel.

 - Vit raka sum so einki. Vit spæla av hundanum til og brenna so nógv afturat eisini. Vit hava heilt ótrúliga nógv, sum skal betrast til í morgin, um nakað líknandi ikki skal henda aftur, segði Elias Ellefsen á Skipagøtu við Portal.fo.

Er kopiera
Nýggjastu sendingar í ÚV
Nýggjastu sendingar í SV
Mánadag 22. juli
Hin rusuti á Aconcagua (4:10)
177776
Fríggjadag 19. juli
Veðrið
178247
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771