Evropatingsvalið endar í dag

Evropatingsvalið endar í dag
Veljarakanningar benda á, at ytsti høgravongurin gongur fram í fleiri av ES-londunum, og tað kann broyta valdsjavnvágina í tinginum
Í Danmark skulu 15 fólk veljast inn í Evropatingið í dag. Her er tað Alex Vanopslagh úr Liberal Alliance, sum setir krossin
Mynd: Ida Marie Odgaard/Ritzau Scanpix  
 
09.06.2024 - 11:36

Í dag eru seinastu valini til Evropatingið.

Tilsamans skulu 720 politikarar úr ES-londunum veljast inn, og í fleiri av londunum siga veljarakanningar, at flokkarnir ytst á høgravonginum ganga fram, eisini í stóru londunum Týsklandi og Fraklandi, sum hava ávikavist 94 og 81 limir í Evropatinginum.

Í dag hava flokkarnir ytst á høgravonginum fimta hvønn sess í Evropatinginum, men sambært veljarakanningunum fara teir eftir valið at hava fjórða hvønn sess í tinginum - tað merkir, at teir fara úr 20 upp í 25 prosent.

Danska kringvarpið DR skrivar, at hetta kann fáa avgerandi týdning fyri valdsjavnvágna í tinginum, og tað kann síggjast aftur í til dømis umhvørvispolitikkinum og búskaparpolitikkinum, har eitt nú italski forsætisráðharrin Giorgia Meloni hevur sagt, at tey fegin vilja hava størri ávirkan á, hvønn veg Evropa fer á hesum báðum økjunum.

Valluttøkan til Evropatingið plagar ikki at vera so góð sum til tjóðartingsvalini í teimum ymsu limalondunum. Til seinasta Evropatingsval var samlaða valluttøkan 50,7 prosent. Hetta var hægsta valluttøka síðan 1994.

Evropatingið er einasti fólkavaldi politiski stovnur í ES. Tingið er sett saman av limum úr øllum ES-londunum, sum eru umboðað eftir, hvussu stórt fólkatalið í landinum er. 

Fyrr hevur Evropatingið ikki havt so stórt vald, men við Lissabon-sáttmálanum fyri 14 árum síðan bleiv hetta broytt, so tingið nú hevur lóggevandi vald saman við ráðharraráðnum. Sostatt er tað Evropatingið, sum saman við ráðharrunum úr teimum ymsu ES-londunum, sum skulu gera ES-lógirnar.

Er kopiera
Nýggjastu sendingar í ÚV
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015