Fólkaatkvøða: Tvøráfólk helst fyri, men ivasamt í Hvalba og Sandvík

Hoyr innslag í útarvpstíðindunum

Á fólkaatkvøðuni kunnu fólk í hvørjari kommunu sær atkvøða JA ella NEI til sjálvbodna kommunusamanlegging.

Síðani verður tað upp til kommunustýrini í Hvalba og á Tvøroyri at gera av, um kommunurnar tá sjálvbodnar skulu leggja saman í eina felags kommunu.

Og í morgin er greitt, um fólk á Tvøroyri og í Hvalba halda, at kommunurnar skulu leggjast saman, ella ikki.

Sambært Hagstovuni búgva 635 fólk í Hvalbiar kommunu og 1741 fólk búgva í Tvøroyrar kommunu.