Ættleiddir grønlendingar krevja eina millión í endurgjaldi

Ættleiddir grønlendingar krevja eina millión í endurgjaldi
Verður kravið havnað, verður farið í rættin við málinum, sigur advokaturin hjá teimum fýra fólkunum, sum vóru ættleidd til danskar fosturfamiljur
Mál um danir, sum hava ættleidd børn úr Grønlandi, eru javnan á breddanum. Nú hevur ein danskur advokatur kravt eina millión kr. í endurgjaldi fyri fýra grønlendingar, sum vóru ættleiddir. (Savnsmynd: Sermitsiaq)
 
21.06.2024 - 16:00

Fýra grønlendingar krevja tilsamans eina millión krónur í endurgjaldi frá danska statinum. 

Málið snýr seg um fýra grønlendsk børn, sum á ungum aldri vóru ættleidd til danskar fosturfamiljur. Hetta var frá 1950 til 1970'ini.

Sakførarin hjá teimum fýra, Mads Pramming, krevur 250.000 krónur í part til tey fýra. 

Hann heldur, at ættleiðingin er framd á ivasomum grundarlagi og uttan samtykki frá foreldrunum.

 

Staturin visti um trupulleikarnar

- Eingin ivi er um, at danski staturin visti, at trupulleikar vóru sum heild við ættleiðingunum, sigur Pramming við Ritzau-tíðindastovuna.

- Grønlendingarnir hildu, at teir læntu barnið til nøkur fosturforeldur; men tey høvdu ikki skilt, at tað var fyri lívið, og at tey ikki skuldu síggja børnini aftur, sigur Mads Pramming við danska kringvarpið.

Hann hevur longu orðað eina stevning móti danska statinum, um endurgjaldskravið verður havnað.

Í Danmark eru fleiri søgur komnar undan kavi um, hvussu børn vóru ættleidd, uttan at foreldrini høvdu nakran avgerðarrætt. 

 

Sjálvtøkuborð

Alfred Dam, sum var stjóri fyri sosialu deildina í Grønlandi frá 1967 til 1971, lýsir ættleiðingina sum 'sjálvtøkuborð'.

- Danir - eitt nú læknar, lærarar og sjúkrarøktarfrøðingar -  virkaðu ofta sum millumgongumenn, og vóru við til at senda børn til Danmarkar, og søgdu, at mamman hevði givið ella lænt teimum barnið, segði Alfred Dam við danska blaðið Information í 2020.

Hóttanin um stevning er send danska forsætismálaráðnum í dag, á sjálvum grønlendska tjóðardegnum. 

Tí vónar Mads Pramming, at staturin vil samskifta við tey fýra, so endurgjaldið verður útgoldið uttan rættarmál.

Er kopiera
Nýggjastu sendingar í ÚV
Fríggjadag 19. juli
Morgunlestur fríggjadagur 19. juli 2024
177837
Hósdag 18. juli
RagnarRokk 18.juli 2024
176485
Hósdag 18. juli
Morgunlestur hósdagur 18. juli 2024
177836
Nýggjastu sendingar í SV
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015