- Tíðindi, mentan og ítróttur
Politiskur viðmerkjari: Greið boð frá løgmanni um, at opinleiki skal valda
![](https://kvf.fo/sites/default/files/styles/grein-ovasta-mynd/public/tidindafundur_arni_gregersen.jpg?itok=OzA0OBZO)
Løgmansskrivstovan og Turid Arge hava gjørt semju, sum staðfestir, at hon fer úr starvi sum aðalstjóri í heilsumálráðnum, og í staðin verður ráðgevi í Løgmálaráðnum.
Kanningarleiðarin, Jens Nørtved, hevur gjørt tænastumannakanningina, og fyrrapartin fekk Løgmansskrivstovan endaligu frágreiðing hansara.
Løgmaður setti í verk tænastumannakanning at lýsa embætisførsluna hjá Turid Arge, tí varhugi var um, at hon hevði sett til viks innlitslógina, fyrisitingarlógina og umboðsmannalógina.
- Innnlitslógina og fyrisitingarlógina, tí hon ikki gav Kringvarpinum rættar upplýsingar og neyðuga innlitið í málinum um átaluna til stjóran á Klaksvíkar Sjúkrahúsi.
- og umboðsmannalógina, tí hon í viðgerðini av innlits-klagumáli frá Kringvarpinum ikki rættstundis gav Umboðsmanninum tær upplýsingar og legði fram øll tey skjøl, sum Umboðsmaðurin hevði krav uppá.
Í niðurstøðu sínari staðfestir kanningarleiðarin, Jens Nørtved, at Turid Arge hevur brotið § 9 stk. 1 í tænastumannalógini, við at seta til viks ásetingar í innlitslógini, fyrisitingarlógini og lóg um Løgtingsins umboðsmann.
Hoyr samrøðu í útvarpstíðindunum