Liðug at kanna mál um kynsligt brotsverk á Polar Nanoq

Íslendska politiið er liðugt at kanna málið um kynsliga brotsverkið umborð á grønlendska trolaranum Polar Nanoq.

Málið er nú latið ákæruvaldinum, skrivar íslendski miðilin Vísir.

8. juni vóru tríggir av manningini tiknir, men teir vóru ikki varðhaldsfongslaðir.

Teir eru skuldsettir fyri kynsligt brotsverk. Men um teir eisini verða ákærdir, er ikki greitt enn.

Fóru við skipinum dagin eftir hendingina

Menninir fóru við Polar Nanoq, sum fór úr Íslandi dagin eftir hendingina.

Reiðaríið hjá Polar Nanoq sigur, at politiið var umborð í sambandi við eitt innbrot umborð og ikki í sambandi við kynsligt brotsverk.

Tað avsannar politiið.

Politiið vil ikki siga, hvør niðurstøðan er í kanningunum, sum nú eru latnar ákæruvaldinum.