Samgongutingmaður vil ikki játta pening til ferjulegu á Syðradali

Enn einaferð er politisk ósemja um Strandferðsluna. 

Hesaferð, tí ætlanin er, at seta Teistan í sigling um Kalsoyarfjørð í vetur, og Ternuna um Nólsoyarfjørð. 

Samgongufundur, Karlot Hergeirsson

Karlot Hergeirsson ætlar ikki at atkvøða fyri eykajáttan til tillagingar í ferjuleguni á Syðradali, so Teistin kann leggja at. (Mynd: Bjarni Árting Rubeksen)

Karlot Hergeirson, tingmaður fyri Framsókn, noktar at játta neyðugu pengarnar til at tillaga ferjuleguna í Kalsoynni, so Teistin kann leggja at. Orsøkin er, at nólsoyartingmaðurin vil ikki missa Teistan.

"Eg føli tað órættvíst, og hetta er ikki fyri at seta meg upp ímóti kalsoyingum - men tað følist ógvuliga órættvíst, at tey fáa tað nýggjasta skipið, sum er í flotanum, meðan bíðað verður, til eitt spildurnýtt verður smíðað til teir," skrivar Karlot Hergeirsson í lesarabrævi.

Sí lesarabrævið her.

Hoyr innslag í útvarpstíðindunum: