21 ára gamal maður skuldsettur fyri fleiri neyðtøkur

Ein 21 ára gamal maður hevur verið í varðhaldi síðani í oktober í fjør.

Hann er skuldsettur fyri fleiri neyðtøkur. Í onkrum føri var gentan yngri enn 15 ár. 

Maðurin noktar seg sekan.

Viðgerast sum nevningating

Fríggjadagin skal Føroya rættur avgera, um varðhaldsfongslingin skal halda fram.

Málið skal viðgerast í nevningatingi, tá ákæruritið er skrivað.

Tað vil siga, at kravið hjá ákæruvaldinum er minst fýra ára treytaleys fongsulsrevsing.